Гайнәләр — кем?

Идият Әшир:

…Әдәбиятка тарту көче, яшьлек хыялларым 1967 нче елны Казанга — университетка алып килде. Биш елдан укытучы белгечлеге алдым. Шул ук елны хәрби хезмәкә чакырылдым. Аннан кайткач  Төн-күк, Яңавыл мәктәпләрендә укытучы, директор булып эшләдем, аннары Яңавылда авыл Советы рәисе вазифаларын башкардым. 1987 нче елның җәеннән — район хакимиятендә җаваплы хезмәткәр.
 Эш hәм яшәү рәвешем үзгәреп торса да, яшьлектән килгән гадәт — шигырьләр белән мавыгуым hаман искечә калды. Чып-чын шагыйрь булып китмәсәң дә, күңелдәген кәгазьгә төшереп калдырасы килә…

Без кем?

Типтәрләр без — тибәрелгән халык,
Гайнәләр без — Гайнә илендә,
Таныклыкта – башкорт . Сөйләшәбез
Аңлашабыз татар телендә.

Тамырлары "башкорт ыруыннан"
Диеп сөйлиләр безнең халыкның…
Башкорт дисәң, күз алдына килә
Башкорт зыяраты Таныпның.

Кыйблабыз hәм рухи мәркәзебез
Татарстан элек — электән.
Гореф — гадәтебез, шәҗәрәбез
Тукай нәселе белән береккән…

Ә шулай да  без кем? Телебез — татар,
Башкорт диләр, ачып паспортны.
Башкорт канлы Барда татары без,
Татар җанлы Гайна башкорты.

Источник: сайт "Тургай"

http://nuretdin.ru/?p=462#more-462