Марис Нәзиров: Татар түгел димә!

"Тургай "Татар әдәбиятын яратучылар өчен журнал:

Марис Назиф улы Нәзиров Башкортстанның Чакмагыш районы Каракөчек авылында 1949 елның 4 августында дөньяга килә. Үрнәк урта мәктәбен, Бәре дәүләт педагогия институтын тәмамлый,студент чагында ук СССР Журналистлар берлегенә әгъза итеп алына. Армия сафында хезмәт итеп кайтканнан соң егерме елга якын гомерен “Кызыл таң” газетасына багышлый. 1993 елда татар телендә яңа гына чыга башлаган “Гасыр” атналыгына җаваплы секретарь булып күчә. 1995—2000 елларда “Тулпар” журналының баш мөхәррир урынбасары йөген җиңелеп тарта.

Артабан татар халкы һәм Урал төбәгендәге вәкаләтле вәкиле- референты, Бәтенруссия “Мәгариф” фондының “Мәгърифәт” нәшрияты баш мөхәррире булып эшли, сигез елга якын Чакмагыш районының “Игенче” газетасы редакциясе, Башкортстан Республикасы “Чакмагыш мәгълүмәт үзәге” редакция-нәшрият комплексы дәүләт унитар предприятиясе коллективларын җитәкли. Хәзерге вакытта Башкортстан Язучылар берлеге идарәсе рәисенең татар әдәбияты буенча урынбасары. Бер үк вакытта  республиканың Татар телле әдипләр берләшмәсенә дә җитәклек итә.

Здзби иҗат белән мәктәп елларыннан ук шөгыльләнә. Татар һәм башкорт телләрендәге унбер шигъри китап авторы. Шигырьләре урыс,чуаш, инглиз,немец, төрек телләренә тәрҗимә ителгән, аның сүзләренә йөздән артык җыр язылган.

Татар түгел димә!

Татарлыкта,татар угълы татармын,

Татар түгел,димә-башың ватармын.

Дәрдмәнд